單車多樂趣 – 沙田至大尾督

這是一條熱門的單車路徑,不多詳述了,不如就來一個遊記作實例行程供大家參考,讓大家可以更好計劃及安排時間

去邊租:租單車,2008年價格,最平還看沙田大水坑單車公園

點去:坐馬鐵到大水坑站看指示牌很容易找到

價格:單人車計,如果返回大水坑交車,平日可低至 $20,不過價期及特別日子會貴一點,去大尾督交車要 $75 一位價錢同沙田市中心差不多。

租咩車:大家都識踩當然係一人一架如果唔想分開可以踩一前一後,坐前面既技術要好一點,後面係負責加油拍拖唔建議選家庭車,因為塞著條路好難駕駛,又慢,真係有四人家庭先再考慮吧!

那一天,我們朝早十點左右匯合(也要考慮到難得放假大家也想訓晏一點)在九龍某處吃過早餐,再坐火車入大水坑

13:50 pm,出發之後既沿途,一有好景就停低小息同影相

14:25 pm,馬料水渡輪碼頭

14:50 pm,科學園 ,一個普遍既小息地,亦可以影下隻金蛋

15:30 pm,九港鐵路職員宿舍對開的一個垂釣處

16:00 pm,大埔海濱公園 ,比想像中快到達,依道係最難行因為路好窄,但交通勁塞可以去個廁所洗下臉

16:20 pm,去到海濱公園海濱長廊單車徑 -> 大埔工業村,去到尾段有一片綠草地,真係好少可可以訓草地呢~去到盡頭,我地折返搵入口入大埔工業村個度要踩馬路,小心一點途經污水處理廠,會有點臭

16:45 – 17:30, 汀角路離開左工業村有長命斜,我地未夠功力踩全程,要推汀角路好悠長,比想像中長經過左羅馬式浮跨建築群 — 比華利山

18:00,最後來到「大草地」交車依個時候可以去海邊睇日落看看海,吹海風享受運動後疲累既感覺
***
順帶一提大尾督比想像中多野食,而且比想像中平雖然我地已經甚肚餓,但都有耐性行入一點終於搵到好令人滿意既「農莊餐廳」

個日我地叫左一個俄國牛柳飯,一個芝士焗石班意連兩杯飲品,平均只係 $40後來追加一個梳乎里甜品,係好似雪條冰咁 crossover 忌廉,感覺不錯

個度既侍應服務唔錯,環境亦舒適,係冷氣稍凍一點個度野外多蚊,店內有眾多滅蚊器,會頻密聽到「拍勒」既爆蚊聲
Please follow and like us:

作者: 凱楊

在香港長大的一個小小基督徒。自問是個普通的人沒有可誇口,但信在耶穌什麼都可能。在網絡大海中奉獻點滴文字,希望能祝福一些人。

發佈留言