昂平已經是一個旅遊熱點，所以人地一般介紹過既我唔重覆了，在這裡我只講一講去昂平可以更好玩既一些要點。天氣：
去昂平最好既天氣係揀驟晴驟雨既日子，因為你有機會可以穿梭雲霧之間，這些通常係五至八月間，香港受西南季候風影響的日子。最好係來回吊車一程見陽光，一程微微雨，咁就最 Perfect。
水晶箱定普通箱？來回定單程？
若果平日去的話，人唔多，可以用普通車票包普通車箱，但水晶箱就唔得了。我記得我試過平日去而買水晶來回票，後來係去程水晶，回程包普通箱，我覺得依個配搭甚好。水晶箱有什麼感覺呢？其實只像睇 Google Map，上到去，你大部份時間都情願望四週多過你既腳底，所以並唔係想像中咁特別，不過你未試過的話，試一次也值得的。（行程時間：來回大約 1 小時）
昂平市集：
都有幾多野食的，有中有西又有滿記甜品，價錢每人 $30 起都有。買野的話，你當然唔會起個度買，記念品唔算太特別。（行程時間：在那裡食野休息走一轉的話大約 2 小時，就咁行過半小時左右）
睇大佛？睇心經簡林？
大佛係一個境點，但畢竟太多遊人了，除非你係一個佛教徒，否則其實唔係最好睇既地方。我反而覺得心經簡林仲靚，特別遇上山雨欲來雲霧間的天氣。置身其中，更有一份詩意浪漫在其中。（行程時間：大約 1.5 小時）
–官方網站
回程時見到東涌灣，有好多人一家大細起到執海產Please follow and like us:
