琴晚 ATV 既「香港風味」介紹北角一間麵飽店既傳奇故事，主角「波叔」以賣波蘿飽維生，夜晚十點收工，清晨一點又要準備整朝早既麵飽。依位波叔仲要一年工作三百六十五日，實在係超級辛苦。雞尾飽個半一個，仲要堅持唔加價
你話波叔一日賺得幾多呢？
訪問提到波叔係一個好樂意助人既人，曾經比人呃佢用高價買依個鋪位，以致欠落親朋巨債，之後因為對人有疑心，有親戚病重想搵佢借錢，波叔差點因推唐就搞出人命，至此，波叔更加不問原因咁付出幫人。
起對答當中，感覺波叔係一個好單純既人，問佢點解十幾廿年間鋪都唔裝修，佢話是旦暫時做著先，咁樣一個「暫時」都暫時左十幾年。訪問當時正值業主就黎收樓老生意要結業，波叔一樣隨緣回答：「都係時候退休，等 D 仔女有錢開個間鋪先再算」。波純既單純伴隨著其沒有計劃，過得一日得一日，認為係正直應該做既事就做，好似唔會有太多憂慮，亦唔會對人有什麼怨言，起香港，依種人真係越來越稀有了。
在地球既另一邊…
法國第二大銀行興業銀行，昨日消息話有一個交易員，竟然可以擅自動用銀行既錢做期貨賭博買賣，輸左成五百幾億。銀行需要搵人借錢渡過危機，亦即係話，唔知點解一個小小既交易員，因為一己私欲同才能既誤用，就搞跨左一間大銀行。
有人話「你估我開銀行咩，係就唔洗驚窮啦」，都唔係喎‥ 原來就算係開銀行，一樣可以突然破左產都唔知發生咩事。
「我們日用的飲食，求父今日賜給我們」
當我們富足時，我們會唔會認為有需要向天父求飲食？其實如果天父唔再供應既時候，我們就係一無所有，真係唔好以為自己所擁有既係自己一手爭取而來
其實人係全無能力去挽留住一分一毫。亦都再一次提醒人在地上只係神既管家
。唯一一樣無人能奪的，就係人同神既關係，因為耶穌已經讓我地得以同神復和，只要我地願意同相信，依個關係係最有保障的。
復和亦係平安既原來意思。
今日我地仲可以有什麼，都係感謝神為我地持守。
