我們都被洗腦了嗎？

正是國民教育討論得熱烘烘的日子，下記我同一位非基督徒朋友討論關於「洗腦」的問題：

朋友甲：「我有時會覺得宗教同政治都係做緊同一件事，佢向你灌輸一種信念，而你自己好似識得批判思考咁，但其實被人洗左腦都唔知。例如我相信民主社會係一件好事，我去堅持，但其實係咪好呢？定係on a scale of 1-10 佢係6個好？類比去宗教上面，其實道理都一樣，我相信同性戀唔係病，但呢個只係我信念… 再擴大D諗，我相信殺人係罪惡，但其實某D情況下（e.g. 自衛殺人）其實我又覺得acceptable，咁當每人都有唔同信念既時候，點介定佢係被洗腦定有自由意志？」

朋友甲繼續說：「我覺得，每人都應該要有思想自由、言論自由，我鼓勵反思、討論，但係，究竟呢種「普世價值」係咪被西方洗腦？人係咪唔suppose有自由？」

我回應說：「洗腦係去除人一套思想，填入另一套思想，無論被洗者係自願與否，其危險在於被套入既思想係好定壞。我地以前唔會諗傳統道德同倫理價值觀係好定壞，今日卻開始會懷疑，以至問道德倫理其實係咪都係洗腦，這似乎亦係現代萬事皆相對的結果。拒絕了真理和絕對，認為這是限制自由的伽鎖，但無限制的自由是真自由嗎？例如駕車沒有車速限制，這是絕對自由了吧? 那好嗎? 所以我覺得問題是人有沒有心尋求真理，繼而接受真理，抑或，人情願相信自己就是真理，違反自己就叫作洗腦和剝削自由?

若要進一步問什麼是真理，你得先相信有一真理在自己以外，然後你要去循一途徑去尋求，雖然我是基督徒，但我不會說只有返教會或睇聖經才找到真理(當然我還是選擇這途徑)，有科學家從科學看到真理，數學家從數學計算真理，真理就是遍存於這時空，等候人去發現…但更嚴謹說，我們只能更多認識而接近真理，但沒有人可以從尋找而完全得到真理，說自己是真理的代言人，否則他就是神，這是很危險的事，這也是為何當教會自稱自己擁有真理時變成被人利用為權力操控的工具而失卻她應有行善的力量，甚至被誤解為洗腦的另一力量。

值得一提的是，基督教的真理不同哲學所講的真理，基督教的真理就是神自己，而非哲學中是一抽象理論，兩者有何分別？前者乃是一種關係, 人能和神(真理)建立關係，它不是一種控制和佔有，衪不會因為你不信而用洗腦法術叫你相信，而從來是用愛去等你自己情願的，後者(哲學式的真理)是一種思想規範或力量，當它落入不當的人手中，就有機會成為一種強迫和洗腦的工具。」