海洋公園一日遊 II

事隔3年 (見海洋公園一日遊), 我們再來到海洋公園來個一日遊。本來我地係諗著農曆年去的, 不過大家都應該記得那一期內地同胞同遊海洋公園的澎湃, 老實講, 今時今日想好好地咁起海洋公園玩, 相信真係要避開公眾假期。
買平飛
今次拍擋精明地先在中旅社買飛, 可以享受折扣, 兩個人可慳返 $70 咁多。
睇熊貓
食過走早餐後來到金鐘乘 629 去海洋公園, 今次我地 11 點左右先去到海洋公園正門 (舊的集古村入口已經關閉了)
的確係已經裝新, 唔同晒。一入去見到係噴水池同新既海洋館。不過我地既第一站係熊貓館
好好彩的在那時碰正佳佳安安開餐, 佳佳比較靜, 訓著起到食, 安安比較好動, 爬高爬低, 所以睇安安開餐係會開心D的。
坐吊車定坐列車?
睇完熊貓既時候, 我地諗著上山, 正猶豫是否坐吊車時, 排隊後面的一個男士與他太太說: 「黎海洋公園唔坐吊車仲有咩意思呀」
其實都係既, 所以我地等左九個字都等架吊車坐下, 如果落山坐就會等得仲耐, 起馬超過一個鐘
機動遊戲城
大約下午一點, 開始左我地既機動遊戲之旅, 今日玩左四個機動遊戲
第一個係上次無玩過既越礦飛車
若按照上次驚險指數的評級去說, 這個機動遊戲的驚險指數係 3粒半星
第二個係新遊戲 Flash 翻天覆地
拍擋形容這是個超級韆鞦, 我形容這是個洗衣機。總結這個遊戲, 最激險是被倒吊的時刻, 好似下墮中卻 freeze 左一樣, 而拍擋就話衝落去個下好似要撞埋牆咁, 十分驚險有八分, 我給這個機動遊戲的驚險指數係 4 粒半星
另外兩個機動遊戲係翻天飛鷹同跳樓機既極速之類, 評論見上一篇海洋公園遊記
海洋劇場
下一站, 係海洋劇場, 我地上次無去過, 今次終於去到。我地說, 第一係無去過海洋劇場, 第二係無去過跳樓機,那怎算係去過海洋公園呢?
我地原打算去 3 點個場, 但準時到是沒有位的, 所以今次我地提早 5 點去等位睇 5:30 個場, 在開始前 15 分鐘有音樂表演, 表演以中文, 國語同英文三種語言旁白, 以孫女與爺爺對話, 講述人類與動物和諧共處的故事為題, 當中有快游的海豚, 俏皮的海獅, 與訓練員合作無間地表演, 我覺得係好有教育意義的節目
作為情侶的看是很讚嘆海洋動物高超的泳術同與人的合作
作一家大小的看相信可讓小孩知道人與動物好好相處的重要性
海洋列車
再來的時候, 我們坐海洋列車下山。海洋列車同普通火車的分別, 是列車上面顯示屏模擬海底實況, 車程大約 5 分鐘, 這個速度當然快過等吊車好多好多
夢幻水都水族館
下到山, 我們去夢幻水都的海洋館, 其實這是把舊海洋館搬下山改裝而成吧, 大部份舊的海洋生物都可以再見到, 是抽起了中華鱘, 剩下一條沙魚, 和沒有了海龜。
不過, 這個新裝海洋館多了一份藝術感, 例如那裡的圓型玻璃, 還有柱型玻璃中, 在那裡看魚就好似進入左水中潛水咁, 讚嘆的畫面是魚群合一地暢泳。感覺是海洋世界生機處處, 上帝的創造實在奇妙。
雙龍奇緣
出到館, 夜幕已低垂, 七點三, 去到音樂水池邊靜待 “雙龍奇緣” 表演。
龍在那裡呢? 龍在水幕中的燈光投影中
當龍衝落水時, 水花濺起的效果增加了光影的真實性
當龍噴火時, 火柱從火槍中冒起, 熱力逼人
雙龍奇緣講述兩條龍扭打的場面, 後來有某某奉大地的名義叫兩條龍和諧共處, 這個是中國式神仙傳說的河蟹故事。這個表演最 Surpise 的地方是火可以在水上燒, 奇怪, 難道他們把某些水變成火水?
散場
八點完場, 這時海洋公園也夠鐘關門了。乘車歸去, 可以坐 629 巴士回金鐘, 也可以坐紅色小巴回旺角
在這裡, 我祝願情侶們享受一個愉快的海洋公園之旅
Please follow and like us:

作者: 凱楊

在香港長大的一個小小基督徒。自問是個普通的人沒有可誇口,但信在耶穌什麼都可能。在網絡大海中奉獻點滴文字,希望能祝福一些人。

發佈留言