海洋公園一日遊

2007年農曆年時遊過一次,把遊記稍作修改後,當時和大家 case study 一下遊海洋公園的方案吧

當日,我們早上 8 點來到地鐵到金鐘站,起客戶服務中心買海洋公園門券,然後可以起巴士站坐 629 前往大樹灣既集古村入口。

登山之旅

我地選擇由登山電梯開始,是為第一景點。可以邊欣賞山水,又睇下飛鷹。


上完第一段,我地玩滑浪飛船,依個亦係我地今日第一個玩既機動遊戲。玩急流同最後一下俯衝既離心力,濕左少少身。玩完後仲可以有留影,不過價錢貴左 D,$50 起,所以無要到。

繼續沿電梯上升上到了頂層,之後就去太平洋海岸,睇睇海獅遊泳,佢地既反身的確係係好凌厲。

第四景點來到海洋摩天塔,我地叫佢做一粒星驚險度既慢版跳樓機。個塔會轉的,所以可以環迴睇到成個山上部份既海洋公園,南丫島,香港仔仲有南中國海。

機動遊戲城

下一站,我地黎到機動遊戲城,開始驚險之旅

我地首先玩飛天秋千,驚險度係 3 粒星,裝潢得都好童話 Feel,似乎係驚險版既迴旋木馬。

海盜船 – 驚險度我覺得係 5 粒星,真係差點輕敵,離心力係其次,最得人驚係佢垂直 90 度時幾乎要跌下來既感覺。

過山車 – 驚險度 4 粒星,驚險既我覺得係個種轉彎既壓力,初初坐得唔正確,腰同頸骨感受到好大壓力, 真係要直貼椅背咁坐先好。


翻天飛鷹 – 3 粒星, 係少有可以兩個人一齊坐既機動遊戲,好似係專為情侶而設咁。

極速之路(跳樓機) – 5 粒星,感受自由落體同埋 pet pet 離坐既衝力,好彩佢上得快落得快,所以其實都無乜時間比你驚。


摩天輪 – 1 粒星, 香港好似無乜摩天輪剩了,要體會天荒地老流連在摩天輪就不月錯過了,不過人多時難免要有其他人一齊坐。

醫肚

機動遊戲完,都兩點幾了,我地就搵野食醫肚,最後我地去左車站隔離既嵐灣茶座,享受環山與海景,太陽與清風既一頓美麗日食午餐。平均每人消費 $80。

海洋之旅

大約接近 4 點既時間,我地開始海洋之旅。鯊魚館,落到去下面一條行人地梯既管道,可以見到鯊魚起頭頂經過,而池底仲有鯊魚開大餐既場面。


由於太多人排隊,所以無去到水母館,下一站去既係海洋館,途經日式花園,當中有好多錦鯉。

海洋館大排長龍,逼左將近半粒鐘先入到去,初初第一層係好似一個大池咁,中間有個島,四週就係有好多小缸擺放不同特別既海洋生物,比較深刻既係八爪魚,好核突,好多吸盤。

落去第二層,第三層睇池中既水底觀,其實係越落越無咁逼,水中世界真係好熱鬧同美麗,有好多唔同既魚,鯊,不過綠海龜就好似得一隻。

見到 D 魚,不其然會睇下邊 D 起街市到可以買到,見 D 魚游來游去都好似好自由自在咁,起依個館到又應該唔會比人同比其他魚食,不過成日都係游游游,唔知 D 魚識唔識悶呢?

偷黃昏之境

時間大約係 6 點既時候,一剎見到太陽正準備日落既蹤影,當又路過海洋摩天塔時,就借機坐佢升上去影影日落既美景。

吊車落山

來到吊車落山既時候,大排長龍,排左都應該有九個字,都係難免有人搭一搭籠。

探安安佳佳

落到山,經左左七彩氣球區,我地趕緊去探大熊貓,來到場館門口話佢地已經去左訓教,只能從閉路電視睇佢地。雖然已經天黑,但仍然好多人起到排隊入場,館內依然係水洩不通。不見熊貓卻見佢地住既環境真係完全模仿四川斜坡,但係就唔見有竹咁喎。


跳彈床

出返黎,我地玩彈床,依個其實都係有兩粒半星既小刺激玩意,因為可以彈到好高,亦都感受到個 Free Fall 力,每人彈三分鐘,雖然條龍唔算長,但都排左幾個字,見隔離既係格蘭批治賽車場,不過 D 車其實好慢,仲要四五十蚊玩一轉,都係唔抵,所以無玩到。

海洋公園最後既目標景點 – 迴旋木馬。記得當時原來已經變左迴旋木貓(熊貓)。

之後我地發現有迷你版既摩天輪,可以兩人霸一車。


當日玩到夜晚8 點 3,終於都要揮手告別離開海洋公園,不得不用小學生作文經典的一句:於是我們便依依不捨得離開了。

Please follow and like us:

作者: 凱楊

在香港長大的一個小小基督徒。自問是個普通的人沒有可誇口,但信在耶穌什麼都可能。在網絡大海中奉獻點滴文字,希望能祝福一些人。

發佈留言